Dietat për të humbur peshë janë ndër temat më të diskutuara në botë: shumica e njerëzve do të dëshironin të dukeshin më mirë duke humbur disa kile të tepërta. Por pas moshës 40 vjeç, të paturit e një figure të hollë bëhet më e vështirë, pasi metabolizmi bëhet më i ngadaltë për të shndërruar ushqimin në energji.

Më poshtë ju sugjerojmë disa këshilla, veçanërisht të dedikuara për gratë mbi 40 vjeç, për të humbur peshë në mënyrë efektive dhe pa pasur nevojë të adoptojnë dieta tepër kufizuese, të cilat mund të jenë të rrezikshme dhe joproduktive.

Stresi. Këshilla e parë ka të bëjë padyshim me gjendjen shpirtërore. Stresi duhet të shmanget dhe të hiqet, pasi nivelet e larta të kortizolit (hormoni i stresit) mund të rrisin dhjamin në bark.

Marrja e një luge vaj ulliri në stomak bosh, në fakt, na ndihmon të shndërrojmë ushqimin në energji, duke shmangur thithjen dhe për pasojë formimin e yndyrës. Ky është një ilaç i thjeshtë, por veçanërisht efektiv.

Rekomandohet edhe aktiviteti fizik: mjafton të ecësh 20 minuta në ditë për të vërejtur një ndryshim. Mundohuni të përdorni shkallët sesa ashensorin, merrni makinën më pak dhe shkoni në palestër.